Loiolako Ignazio hil zeneko 450. urteurrena
Loiola: San Ignazioren ondarea
Ertaroko dorretxearen -gaur egun Etxe Santua- eta erlijio-helburuetarako leku ezin hobea den Basilikaren ondoan erakusketa iraunkorra prestatu da Loiolako monumentumultzoaren baitan. Bertan, XVI. mendetik gaur arte Ignaziok eta haren ondorengoek sortu duten ondarea agertzen zaio bisitariari, hasi Jesusen Lagundia sortu zenetik eta gaurko egunera arteko bilakaeraren berri emanez, gure santu gipuzkoarraren pentsamoldea agertuz eta horrek, Jesusen Lagundiaren bidez, historiaren eta erlijioaren bilakaeran izan duen garrantzia agertzeko.
- Hasiera >
- Loiola: San Ignazioren ondarea
Jesusen Lagundiaren gaineko erakusketa
1.Atsedenerako gunea
2.Irakurketarako gunea
3.Espiritualtasunaren tunela
San Ignaziok “Gogojardunak” idatzi zituenean, norberak bere burua
barnetik ezagutzeko bide moduan
idatzi zituen, ondoren
munduan eragin eta Jainkoaren
hitza zabaltzeko.
Erakusketa-gune honetan Ignazioren espiritualtasunaren
lau atalak agertuko dira,
Ignaziok idatzitako gogojardunetan
murgiltzeko bide
emango duen meditazio eta
barne-hausnarketarako gune
baten bidez.
4.Ignazioren ondarea
Gune honek Jesusen Lagundiaren historia eta bilakaera
agertzen ditu, XVI. mendean
sortu zenetik gaur arte. Historian
zehar izan duen zabalkundearen
eta agertu zaizkion zeregin
eta erronken berri ematen digu.
Horrez gain, Jesusen Lagundiak
dituen oinarrizko baloreak ere
agertuko dizkigu, bere humanismo
sakona eta konpromiso sozial
eta ebanjelikoa, hezkuntzaren
eta bere espiritu pedagogiko
partikularraren bidez adierazia.